Кызматкердин ден соолугуна келтирилген зыян үчүн иш берүүчү жоопкерчилик тартат. Мындай жоопкерчилик бардык учурларда анын күнөөсү болсо келип чыгат. Иш берүүчүнүн күнөөсү, эгерде ал ден соолук жана коопсуз эмгек шарттарын камсыз кылбаса келип чыгат. Мындай учурларда иш берүүчү келтирилген зыяндын ордун толук төлөйт.
Эмгектик мертинүү иш берүүчүнүн күнөөсү боюнча келип чыккан деп эсептелет, эгерде ал:
— аларга дени сак жана коопсуз эмгек шарттары камсыз кылынбагандыктан;
— эмгекти коргоо боюнча мыйзамдардын жана эрежелердин талаптарын сактабагандыктан;
— эгерде зыян эмгек милдеттерин аткарууда коркунучтун жогорулашынын булагы менен келип чыкса.
Келтирилген зыян үчүн иш берүүчүнүн жоопкерчилигинин далилдери, ошондой эле анын күнөөлүүлүгүнүн далили болуп төмөнкүлөр саналат:
— өндүрүштөгү кырсык (кесиптик оору) жөнүндө акт;
— өндүрүштөгү кырсыкты иликтөө боюнча комиссиянын актысы;
— өкүм, соттун чечими, прокурордун, тергөө же алгачкы тергөө органынын чечими;
— мамлекеттик көзөмөл жана контролдоо органдарынын же кесиптик бирликтердин техникалык эмгек инспекциясынын зыяндын себептери жөнүндө корутундусу;
— кызмат адамдарына администрациялык же дисциплинардык жаза колдонуу жөнүндө чечим;
— кесиптик оору жөнүндө медициналык корутунду;
— күбөлөрдүн көрсөтмөлөрү;
— башка документтер.